Golekana tegese tembung-tembung kang angel saka geguritan ing ngisor iki! a. Tembe b. Thukuk c. Etare
Wacanen geguritan ing ngisor iki!
Bocah Cilik Kae
Dening: Turiyo Ragil Putra
Bocah cilik sing nyapu latar kae
Sapa ngreti mbesuk tembe thukuk etare
Mabur dhuwur nganglang langit numpak mega-mega
Andum lelana sinambi methaki lintang kartika
Bocah cilik kae isih bening jiwane
Isih suci lemah atine
Aja ditanduri jenu utawa senthe
Aja dibumboni basa utawa krawe
Bocah cilik kae
Tokna menyang ngendi abur jiwani
Golekana tegese tembung-tembung kang angel saka geguritan ing ngisor iki!
a. Tembe
b. Thukuk
c. Etare
d. Nganglang
e. Mega-mega
f. Andum
g. Lelana
h. Methaki
i. Kartika
j. Jenu
k. Senthe
l. Abur
Wangsulan:
a. Tembe = Mengko, mbesuk
b. Thukuk = Tuwuh
c. Etare = Akal, nalar, pikiran
d. Nganglang = Ngubengi
e. Mega-mega = Mendhung
f. Andum = Mbagek-bagekake
g. Lelana = Lelunga
h. Methaki = Ngitung
i. Kartika = Lintang
j. Jenu = Sawijining tanduran kang nduweni racun.
k. Senthe = Sawijining tanduran tales-talesan kang uga nduweni racun.
l. Abur = Miber
++++++++++++++++++++++++++
Semoga Bermanfaat dan Berkah
Jangan Lupa Belajar Terus
Ingat Cita-Cita, Orang Tua, dan Keluarga
Posting Komentar untuk "Golekana tegese tembung-tembung kang angel saka geguritan ing ngisor iki! a. Tembe b. Thukuk c. Etare"